02. *✸ उंच उंच गगनात तिरंगा ✸*
उंच उंच गगनात तिरंगा डौलाने फडकतो
हृदयातून जयहिंद,हृदयातून जयहिंद
भारतीय सूर एक नांदतो ||धृ||
उंच उंच गगनात तिरंगाssss
भारत माता जन्मदायिनी अमृत पुत्रांची
राष्ट्रपुरुष घडविता भूमिका तुझी जिजाईची
तुझ्या कीर्तीचा अवनीवरती सुगंध दरवळतो ||१||
उंच उंच गगनात तिरंगाssss
नंदनवन तू रम्य मनोहर समग्र विश्वाचे
वसुंधरा तू मुळात सुंदर प्रतिक ऐक्याचे
आम्रतरु जणू वात्सल्याची नित्य सावली देतो||२||
उंच उंच गगनात तिरंगाssss
मनमंदिरी स्थान आईला,नित्य आम्ही दिधले
उत्थानासाव भारतभूच्या जीवन वेचू आपले
तिची कस्तुरी गंधित माती ,भाळावर लावतो ||३||
उंच उंच गगनात तिरंगाssss
उंच उंच गगनात तिरंगा डौलाने फडकतो
हृदयातून जयहिंद,हृदयातून जयहिंद
भारतीय सूर एक नांदतो
उंच उंच गगनात तिरंगाssss
●~~●~~●~~◆~~●~~●~~●
Nice
ReplyDeleteHello Sir,
ReplyDeleteLoved your website as we can have many things in one click. Thank you.
Can we copy the lyrics of the song at our end?